សៀវភៅនេះគឺជាឯកសារដែលពន្យល់ណែនាំពីរបៀបនិង វិធីសាស្រ្តនៃការអនុវត្តកម្មវិធីអាហាតាមសាលារៀន ហើយត្រូវបង្កើតឡើងជាពិសេសសម្រាប់អ្នកពាក់ព័ន្ធជាមួយកម្មវិធី ពីថ្នាក់ជាតិដល់មូលដ្ឋានដោយផ្តល់អោយនូវឯកសាយោង នឹង ទម្រង់ផ្សេងៗក្នុងការអនុវត្តកម្មវិធី។ សៀវភៅនេះបានបង្ហាញពីនិតិវិធី ដំណើរការដែលចាំបាច់ដល់អ្នកអនុវត្តកម្មវិធីផ្ទាល់ និងមិនផ្ទាល់សម្រេចបានគោលដៅរបស់កម្មវិធី។
ក្នុងឯកសារនេះរូមមាន រចនាសម្ព័ន្ធ តួនាទី និងភារកិច្ចរបស់គណៈកម្មការពាក់ព័ន្ធ នីតិវិធីជ្រើសរើសចុងភៅ និងអ្នកផ្គត់ផ្គង់ស្បៀង គោលរបប និងការគ្រប់គ្រងហិរញ្ញវត្ថុ ប្រព័ន្ធអនាម័យ និងហេដ្ឋារចនាសម្ព័ន្ធ។

ផែនការសកម្មភាពអនុវត្តគោលនយោបាយស្តីពី ការផ្តល់អាហារតាមសាលារៀនដំណាក់កាលទី១(២០២៤-២០៣០) ស្របតាមគោលដៅអភិវឌ្ឍន៍ប្រកបដោយចីរភាព ក្របខ័ណ្ឌគោលនយោបាយ​ជាតិគាំពារសង្គម ផែនការយុទ្ធសាស្រ្តអភិវឌ្ឍន៍ជាតិ ជាពិសេស ទាក់ទងនឹងការអប់រំ អាហារូបត្ថម្ភ និងការលុបបំបាត់ភាពក្រីក្រ ដោយបន្ស៊ីទៅនឹងអាទិភាព នានានៃកម្មវិធីអភិវឌ្ឍផ្សេងទៀតផងដែរ។ 
ផែនការសកម្មភាពអនុវត្តគោលនយោបាយនេះ នឹងបង្ហាញផ្លូវជាក់លាក់សម្រាប់ក្រសួង ស្ថាប័ន ដៃគូអភិវឌ្ឍ និងវិស័យពាក់ព័ន្ធក្នុងការសហការយ៉ាងមានប្រសិទ្ធភាព ដើម្បីធានាថា សិស្សានុសិស្ស ជាពិសេសកុមារដែលកំពុងស្ថិតក្រោមស្ថានភាពងាយរងគ្រោះ និងអសន្តិសុខស្បៀង បានទទួលអាហារតាមសាលារៀនទៀងទាត់ ប្រកបដោយគុណភាព និងសុវត្ថិភាព។ លើសពីនេះ ផែនការសកម្មភាពនេះ មិនត្រឹមតែជាក្របខ័ណ្ឌសម្រាប់ការសម្រេចចក្ខុវិស័យគោលនយោបាយប៉ុណ្ណោះទេ ប៉ុន្តែវាក៏បង្ហាញពីឆន្ទៈដ៏មោះមុតរបស់      រាជរដ្ឋាភិបាលកម្ពុជា ក្នុងការលើកកម្ពស់សមត្ថភាពអ្នកជំនាន់ក្រោយ ដោយផ្តល់ការវិនិយោគ លើអាហារតាមសាលារៀន ដើម្បីបំបែកវដ្តនៃភាពក្រីក្រ លើកស្ទួយការអភិវឌ្ឍធនធានមនុស្ស និងកសាងសហគមន៍ឱ្យមានភាពធន់ និងរឹងមាំ។  

លិខិតលេខ ៤៧ ស្តីពីការតែងតាំងសមាសភាពគណៈកម្មការដឹកនាំនិង គ្រប់គ្រងការអនុវត្តកម្មវិធីអាហាតាមសាលារៀន និងការតែងតាំងសមាសភាពលេខាធិការដ្ឋាន។

សេចក្តីណែនាំ លេខ62 សណន នា បស ការអនុវត្តកម្មវិធីអាហារតាមសាលារៀនឆ្នាំសិក្សា ២០២៤-២០២៥ ដើម្បីធានាដល់ការអនុវត្តកម្មវិធីប្រកបដោយគុណភាព និងប្រសិទ្ធភាព។ សេចក្តីណែនាំនេះ រួមមាន ព័ត៌មាន អំពី រយៈពេលផ្តល់អាហារដល់សិស្ស មុនពេល និងពេលតំណើរការឆ្នាំសិក្សា ២០២៤-២០២៥  ការសម្របសម្រួលនិងគាំទ្របច្ចេកទេស ការតាមដាន ត្រួតពិនិត្យ វាយតម្លៃ និងរបាយការណ៍។ មន្ទើរអប់រំ យុវជន និងកីឡាខេត្តពាក់ពន្ធ័ ត្រូវណែនាំ និងផ្សព្វផ្សាយឱ្យបានទូលំទូលាយដល់រដ្ឋបាលក្រុង ស្រុក រដ្ឋបាលឃុំ និងសាលាបឋមសិក្សាគោលដៅ ព្រមទាំងអ្នកពាក់ពន្ធ័ ឱ្យអនុវត្តប្រកបដោយប្រសិទ្ធភាព និងការទទួលខុសត្រូវខ្ពស់។

“សៀវភៅណែនាំការចម្អិនអាហារសម្រាប់ចុងភៅសាលារៀន” នេះអភិវឌ្ឍឡើង ដើម្បីធ្វើជាមគ្គុទ្ទេសក៏សម្រាប់អ្នកចម្អិនអាហារ នាយឃ្លាំងនៅតាមគ្រឹះស្ថានសិក្សា ពិសេសក្នុងកម្មវិធីអាហារតាមសាលារៀនដោយប្រើប្រាស់កសិផលក្នុងសហគមន៍ និងអ្នកពាក់ព័ន្ធផ្សេងទៀត បានសិក្សាស្វែងយល់និងយកទៅអនុវត្ត ប្រកបដោយភាពបត់បែន ភាពច្នៃប្រឌិត ប្រកបដោយសុវត្ថិភាព និងសុខភាព។ ខ្លឹមសារនៃសៀវភៅនេះចែកចេញជា៣ជំពូកនិង១៨ប្រធានបទសំខាន់ៗ ដែលទាក់ទងនឹងចំណេះដឹងមូលដ្ឋានស្តីពីអាហារូបត្ថម្ភ ការលូតលាស់ សុវត្ថិភាពចំណីអាហារ របៀបចម្អិនអាហារ និងគន្លឹះក្នុងការរក្សានូវសារធាតុចិញ្ចឹមពីអាហារក្នុងដំណើរការចម្អិន។

អនុក្រឹត្យស្តីពីការអនុវត្តកម្មវិធីផ្តល់អាហារតាមសាលារៀន មានគោលបំណងកំណត់ អំពីរការអនុវត្តកម្មវីធីផ្តល់អាហារតាមសាលារៀនដោយប្រើប្រាស់កសិផលក្នុងសហគមន៍ ក្នុងក្របខណ្ឌគោលនយោបាយជាតិគាំពារសង្គម។

បញ្ជីសំណួរពិនិត្យតាមដានកម្មវិធីស្បៀងអាហារប្រើកសិផលសហគមន៍ សម្រាប់មន្រ្តីថ្នាក់ស្រុក ខេត្ត ដែលទទួលបន្ទុកក្នុងការតាមដាន ប្រើប្រាស់ក្នុងកំឡុងពេលចុះត្រួតពិនិត្យ ការអនុវត្តកម្មវិធីរបស់សាលាគោលដៅនីមួយៗ។

ក្នុងឯកសារនេះមានទម្រង់ដែលសាលារៀនត្រូវប្រើប្រចាំថ្ងៃសម្រាប់អនុវត្តកម្មវិធីអាហារតាមសាលារៀនអោយបានត្រឹមត្រូវ។​ ក្នុងនោះមាន  បង្កាន់ដៃទទួលទំនិញ បណ្ណបញ្ចេញស្បៀង ទម្រង់កំណត់ត្រាការចូលរួមរបស់សហគមន៍ និង​ សំណើរសុំទូទាត់ប្រចាំខែ។ វាក៏មានប្រាប់ពីតារាងកាលវិភាគដែលសាលារៀនត្រូវរៀបចំរាយការណ៍ត្រីមាសនីមួយៗ។